ബെംഗളൂരു: ശനിയാഴ്ച ബ്രിഗേഡ് റോഡിലെ ഷോപ്പിംഗ് കോംപ്ലക്‌സിന്റെ രണ്ടാം നിലയിലെ ജനാലയിൽ നിന്ന് അബദ്ധത്തിൽ വീണ 20 കാരിയായ യുവതി മരണത്തിന് കീഴടങ്ങി. അതേ സ്ഥലത്ത് നിന്ന് വീണ് ഗുരുതരമായി പരിക്കേറ്റ യുവതിയുടെ സുഹൃത്ത് ആശുപത്രിയിൽ ചികിത്സയിലാണ്. ഫ്രേസർ ടൗണിൽ താമസിക്കുന്ന ലിയയാണ് മരിച്ചത്, ആന്ധ്രാപ്രദേശ് സ്വദേശി ക്രിസ് പീറ്ററിനാണ് പരിക്കേറ്റത്. സ്വകാര്യ കോളേജിലെ ബികോം രണ്ടാം വർഷ വിദ്യാർത്ഥികളായിരുന്നു ഇരുവരും.
ഉച്ചയ്ക്ക് 1.20 ഓടെയാണ് സംഭവം നടന്നതെന്നാണ് കബ്ബൺ പാർക്ക് പോലീസിന്റെ പ്രാഥമിക അന്വേഷണത്തിൽ പറയുന്നത്. കോംപ്ലക്സിൽ ജ്യൂസ് കുടിക്കാൻ പോയതായിരുന്നു ഇരുവരും. കോണിപ്പടിയിലൂടെ നടക്കുമ്പോൾ ബാലൻസ് തെറ്റി ജനാലയിൽ നിന്ന് വീഴുകയായിരുന്നുവെന്ന് പരിക്കേറ്റ യുവാവ് ഉദ്യോഗസ്ഥരെ അറിയിച്ചു. ജനലിൽ ഇരുമ്പ് ഗ്രില്ലുകൾ ഇല്ലാതിരുന്നതിനാൽ ജനൽ ഗ്ലാസ്/ഫൈബർ ഷീറ്റ് തകർന്നാണ് യുവതി നിലത്തേക്ക് വീണത്. യുവതിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചെങ്കിലും യുവതിയെ പരിശോധിച്ച ഡോക്ടർമാർ യുവതി മരിച്ചതായി സ്ഥിരീകരിക്കുകയായിരുന്ന് ഡെപ്യൂട്ടി പോലീസ് കമ്മീഷണർ എസ് ഡി ശരണപ്പ പറഞ്ഞു.
സുഹൃത്ത് ലിയ കോണിപ്പടിയിൽ നിന്ന് തെന്നി വീഴുന്നത് കണ്ട ക്രിസ് യുവതിയെ രക്ഷിക്കാൻ ശ്രമിക്കുന്നതിനിടയിലാണ് ക്രിസ്സിന് അപകടം സംഭവിച്ചതെന്നാണ് ഉദ്യോഗസ്ഥർ അറിയിക്കുന്നത്. എന്നാൽപരിക്കേറ്റ ക്രിസ് പീറ്ററിന് കൂടുതൽ വിവരങ്ങൾ വെളിപ്പെടുത്താൻ കഴിഞ്ഞില്ലെന്നും അദ്ദേഹം സുഖം പ്രാപിച്ചുകഴിഞ്ഞാൽ മറ്റ് വിശദാംശങ്ങളെക്കുറിച്ച് കൂടുതൽ ചോദ്യം ചെയ്യുമെന്നും അദ്ദേഹം കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
